ATTAT kalaallit ilinniarfeqarfiisa naapittarfigaat. Kalaallit Nunaanni atuartut ilinniartut kiisalu ilinniartitsisut oqallittarfimmut nalunaarnikuupput. Oqallittarfinni ammasuni matoqqasunilu attaveqaqatigiittoqarsinnaallunilu oqallittoqarsinnaavoq. Ammasumik oqalliffinni periaaseq atuartitsissutit atuartitsinermullu attuumassutillit allat aallaavigalugit aaqqissorneqarnikuuvoq. Oqalliffiit matoqqasut pisariaqartitsineq naapertorlugu pilersinneqarsinnaapput. Atuisut tamarmik namminneq pigisaminnik e-postadresseqarput.
ATTAT FirstClass webserverimik (qarasaasiaq aqutsisoq) ingerlanneqarpoq. Webserverip atuisut tamaasa namminneq e-postadressiannut intranetsikkut internetsikkulluunniit attaveqartissinnaavai. Serveri qitiusumi aqunneqarpoq, tamanna nunatsinni atuarfiit ilinniarfeqarfillu akornanni attaveqatigiinnermik isumannaatsumik pilersitsisarpoq. Ullumikkut atuisunik 60 Attaviliisinnaavugut. ATTAT atuisuuffigissagaanni qarasaasialerinermik misilittagaqarfiusariaqanngilaq.
Atuarfiit ilinniagaqarfiilluunniit namminneq intra/internetsertik aqqissorsinnaavaat, atuisut ataasiakkaat qarasaasiaminniit nittartagaliorsinnaanngorlugit aaqqitaavoq. Taamak ittumik sanassagaanni HTML-imut webprogrammeringimut tunngasunik paasisimasaqartariaqanngilaq.
Atuarfeqarfiit attammik atuerusuttut attaveqaataasussamik toqqaassapput, attaveqaataasup attammi aaqissuisoq suleqatigalugu oqallittarfinnik atuisunik ilanngussisarneq piiaasarnerlu isumagisassavaa.
Periarfissarpassuit
Soqutiginnittut tamarmik nammineq soqutigisamik oqallisigineqarnerini timikkut najuutinngikkaluarluarluni oqalliseqataasinnaapput. Oqalliffiit nassaassat assigiinngitsut amerlapput, oqalliffiit politikkimut qulequttanullu tunnganerusuniit inooqatigiinnermut tunngasunut nassaassaapput. Pingaarnertut atuartitsinermi periarfissanik nutaanik peqalernera taaneqarsinnaavoq, oqallittarfiit aqqutigalugit atuarfigisap iluaniittut avataaniittulluunniit attaveqateqarfigisinnaanerat periarfissaammat. Assersuutigalugu katersuuttarfik nalunaarutinut atugassaq pilersinneqarsinnaavoq, sulianik saqqummiinermi atuaqatit ilinniartitsisoqatilluunniit alakkarsinnaasaat.
Suleqatigiit attaveqaataat
Ilinniartitsisut allallu nalunaaquttap qanoq ilinera apeqqutaatinnagu misilittakkaminnik eqqartueqatigiissinnaapput. Atuartoq atuarfimmut ornigussinnaanngikkaluarluni atuartitsinermut peqataasinnaavoq. Atuartut nunani allaniittut oqallinnernut peqataanissaminnut periarfissaqarput. Tunngaviusumik atuisut tamarmik toqqaannartumik oqaloqatigiinnissamut, chatternissamut, ilinniartitsisumit akissuteqarfigineqarnissamut kammalaatinilluunniit oqaloqateqarnissamut periarfissaqarput.
|